Haryanvi Jokes In Hindi - हरयाणवी चुटकुले गणे सारे - Joke on Jatt

Latest Haryanvi Style Jokes Famous Joke In Haryanvi


मैं तै बहू लेण आया था

एक बर की बात है अक सुरजा अपणी बहू नैं लेण ससुराल जा रह्या था। चाल्लण के टैम पर सास्सू उसतैं जवाहरी के नाम के 50 रुपिये देण लाग्गी तो सुरजा नाट ग्या| सास्सू बोल्ली- ले ले बेटा, घणे कोनीं । सुरजा फेर नाट ग्या।

धोरै खड़ी उसकी साली बोल्ली- ले ले नैं जीजा, घणे कित हैं, फेर तीन दर्जन तो केले ही ल्याया था।

साली की या सलाह सुणते ही सुरजा आग बबूला होते होए बोल्या- मैं आड़ै केले बेच्चण कोनी आया था, मैं तै बहू लेण आया था।




सासरौली की बहू

एक छोरा आपणी घर आळी नै ले कै सुसराड़ तैं उल्टा आपणे गाम में जावै था । वो साथ में आपणी घर आळी के लत्त्यां (कपड़ों) का ट्रंक भी ले रहया था । कोसळी रेलवे स्टेशन पै वे रेल की बाट में बैठे थे - एक ताई भी बैठी थी धोरै । ताई उसकी घर आळी गैल बतळावण लाग्गी, बोल्ली - बेटी कित जाओ सो ? बहू बोल्ली - ताई, सासरौली जाणा सै ।

ताई फिर बूझण लाग्गी - बेटी तू कित की सै ? बहू बोल्ली - ताई, मैं गुडियाणी की सूँ । ताई फेर बोल्ली - बेटी, सासरौली की बहू सै ?

न्यूं सुणतीं हें छोरा बोल्या - ताई, जै या सारी सासरौली की बहू सै, तै मैं के खामखाँ यो ट्रंक सिर पै धरीं हांडूं सूं ?

Jokes

Allrounder Sumar Singh ke haryanvi Jokes


"चौधरण मर ली"

एक बै एक जाट भाई अपनी एक नई रिश्तेदारी में चल्या गया, साथ में उसका नाई भी था । नई रिश्तेदारी थी, खातिरदारी में फटाफट गरमा-गरम हलवा हाजिर किया गया । दोनूं सफर में थक रहे थे, भूख भी करड़ी लाग रही थी ।

हलवा आते ही दोनूंआं नै चम्मच भरी और मुंह में गरमा-गरम हलवा धर लिया । ईब इतना गरम हलवा ना निगल्या जा और ना बाहर थूक्या जा ! बुरा हाल हो-ग्या, आंख्यां में आंसू आ-गे ।

नाई ने हिम्मत करी और बोल्या - "चौधरी, के हुया ?"

जाट बोल्या - "भाई, जब घर तैं चाल्या था, तै थारी चौधरण बीमार सी थी, बस उस की याद आ-गी" ।

नाई की आंख्यां में भी पाणी देख कै जाट बोल्या - "ठाकर, तेरै के हुया ?"

नाई बोल्या - चौधरी, मन्नै तै लाग्गै सै चौधरण मर ली !!





"तू के आपणी भूआ कै आ रही सै ?"

एक जाट का छोरा नया नया ब्याहा था, पहली बार ससुराल गया । उसनै घणा बोलण की आदत थी, चुपचाप ना रहया जाया करता । उसकी सासू भी कुछ कम नहीं थी, सारा दिन फिजूल की बात करती रही ।

सांझ नै सास परेशान हो-गी, छोरा तै उसतैं भी घणा बोलै था । वा आपणे उस बटेऊ तैं बोली - "बेटा, सुसराड़ में घणा ना बोल्या करते" ।

छोरे नै फट जवाब दिया - " तू के आपणी भूआ कै आ रही सै ? तेरी भी तै ससुराड़ सै हाड़ै" !!

Recent Posts

Haryanvi Jokes in Hindi - हरियाणवी मजाक - Haryanvi Chutkule

Funny Haryanvi Jokes in Hindi hriyanvi joks

Haryanvi Jokes In Hindi - हरयाणवी चुटकुले गणे सारे - Joke on Jatt

Latest Haryanvi Style Jokes - Funny Haryanavi Jokes in Hindi

7 Top Funny Haryanvi Jokes - हरियाणवी चुटकुले - Haryanvi Style

Haryanvi Jokes in Hindi - हरियाणवी मजाक - Funny Haryanvi Jatt Status

Funny Haryanvi jokes - Read Haryanvi Funny Jokes in Hindi