haryanvi jokes - हरियाणवी मजाक - Haryanvi Jokes in Hindi

haryanvi jokes - हरियाणवी मजाक - Haryanvi Jokes in Hindi


haryanvi jokes

"घाट मेरा रामफळ भी ना सै"


कारगिल की लड़ाई के आस-पास की बात । गाम की चौपाड़ में बूढ़े बैठे थे, होक्का सिलगा कै - अर बात चाल पड़ी कारगिल कै ऊपर । उन बूढ़्यां में एक के छोरे का नाम रामफळ था, जो फौज में था ।

रामफळ का बाबू - भाई, पाकिस्तान गैल्यां तै लड़ाई होवै ए होवै ।

दूसरा बूढ़ा - भाई, के कह सकां सां, हो भी सकै सै, ना भी ।



रामफळ का बाबू और हंघा ला कै बोल्या - भाई, लड़ाई तै हो कै रहवैगी, ईब कै कोनी टळै ।

बूढ़े बोल्ले - भाई, इसा सै, ना भी होवै - के बेरा ?

रामफळ का बाबू - भाई, मन्नै बेरा सै, लड़ाई तै होवैगी जरूर ... एक तै यो मुशरर्फ घणा ऊत सै, अर घाट मेरा रामफळ भी ना सै - ईब लड़ाई तै हो कै रहवैगी !!

haryanvi jokes

दाँतवा


एक दाँतवे (लंबे दांतो वाले) के मन में आई अक फौज में भरती हुया जावै । भरती होण पहुंच्या - पहल्यां उसकी नाप-तौल हुई, उसमें पास होग्या । फेर उसका "मैडिकल" होया, उसमें फेल हो-ग्या ।

फिर दाँतवा एक बड्डे अफसर धोरै जाकै बोल्या - साहब, मैं मैडिकल में फेल क्यूं कर दिया । साहब बोल्या - तेरे दांत घणे लाम्बे सैं ।

दाँतवे कै या बात पल्लै ना पड़ी, बोल्या - साहब, मेरे दांतां में के कमी सै ?

फौजी साहब नै सोच्या अक इस दाँतवे तैं क्यूकर पैंडा छुटाया जा । वो कुछ सोच कै बोल्या - भाई, फौज में बन्दूक अर बम की लड़ाई होवै सै, बुड़क्याँ की लड़ाई कोनी होती !!

haryanvi jokes

Funny Haryanvi Jokes 
Sweet Good Night Poems sms


फौजी की "फैमिली"


एक फौजी भाई की राजस्थान के बोर्डर पै ड्यूटी लाग-गी । जाड्याँ (सर्दियों) के दिन आ गए, फौजी नै सोची अक परिवार तैं मिल्ले घणे दिन हो-गे, क्यूं ना आपणी "फैमिली" न हाड़ै आपणै धोरै बुला ल्यूं ।


उसनै घरां आपणे बाबू धोरै चिट्ठी लिक्खी - "बाबू, सर्दी शुरू हो-गी सैं, मेरी फैमिली नै भेज दे ।"


ईब भाई, बूढ़ा सोच में पड़-ग्या अक ये "फैमिली" के हो सै ? फिर उसनै अंदाजा लगाया अक उसनै जाड्याँ में फैमिली मंगाई सै, तै "फैमिली" का मतलब "रजाई" होवै सै ।


घर में कोई रजाई ना थी । बूढ़े नै चिट्ठी गिरवा दी - "बेटा, देख, तेरी फैमिली तै पाछले जाड्याँ में बाळकां नै पाड़ दी थी, अर तन्नै बेरा सै अक मैं तै सूं ऐं बिना फैमिली का । पर बेटा, तू कहै तै पड़ौस के भीम की फैमिली नै भेज दूँ, वा सै भी नई ए ।"



abraham lincoln birthday Quotes, Sayings, Wishes, Slogans 
Happy Birthday Poems, wishes 
new love poems for the one you love