haryanavi joks 2016 majedar chutkule haryanvi jokes in hindi



haryanavi joks 2016 majedar chutkule haryanvi jokes in hindi


एक बै रब्बू नै 500 रुपय्ये की जरूरत पड़-गी - सोची अक लाला जी पै ले ल्यूं ।
रब्बू नै फोन खटकाया । लाला जी के फोन उठाते ही रब्बू बोल्या - लाला जी, मैं रब्बू बोलूं सूं ।
लाला जी - हां रब्बू, बोल के बात सै ?
रब्बू - लाला जी, 500 रुपय्ये की जरूरत थी ।
ईब लाला जी नै सोची अक झिकोई रुपय्ये ले ज्यागा । लाला जी सोच कै बोल्या - "रब्बू, मन्नैं इस कान तैं सुणै कोन्या, रिसीवर दूसरे कान पै लाऊं सूं, फेर बोलिये ।"
लाला जी नै रिसीवर दूसरे कान पै लगाया अर बोल्या - हां रब्बू, ईब बोल के कह था ?
ईब रब्बू नै सोची अक सुण्या कोनी, क्यूं ना हजार रुपय्ये मांग ल्यूं ! सोच कै बोल्या - "लाला जी, हजार रुपय्ये की जरूरत सै" ।
लाला जी नै सोची अक झिकोई ईब घणे मांगण लाग्या ।
लाला जी बोल्या - "ऐं, रब्बू भाई, न्यूं कर - पहले आळे कान पै आ ज्या" !!



एक बै बनिया की छोरी के ब्याह में फेरे करवावण खातिर कोई बाहमण ना मिल्या । जब कित्तै तैं बाहमण का जुगाड़ ना हुया तै छोरी आळे एक जिम्मेदार जाट नै ले आये । जाट नै फेरे शुरु करवा दिये ।

तीन फेरे होण पाच्छै जाट बोल्या - भाइयो, रस्म तै पूरी हो-गी, छोरी की विदा करवाओ ।

छोरे आळे बाराती बोले - जी, फेरे तै सात होया करैं ।

जाट बोल्या - भाई, बात इसी सै, जै (अगर) उसनै रुकणा होगा तै तीन फेरयां में भी कित्तै ना जावै । अर जै इसनै भाजणा ए सै, तै चाहे पच्चीस फेरे करवा ल्यो !!



सेठ की दुकान में चोरी हो गई । सेठ ने थाने में रपट लिखवा दी ।

अगले दिन सेठ की दुकान पर तीन सिपाही आ पहुंचे और पूछताछ करने लगे । फिर एक सिपाही ने एक बोरी में से थोड़े भूगड़े (भुने हुए चने) उठाये और खाने लगा । दूसरे ने थोड़ी मूंगफली की मुट्ठी भर ली और तीसरे ने पतासे खाने शुरु कर दिये ।

थोड़ी देर बात थाणेदार आया और सेठ से बोला - सेठ, कितने का नुकसान हुआ ?

सेठ ने जवाब दिया - जी, नुकसान खतम कित हुया सै, ईबै तै होण ए लाग रहया सै !!



एक बणिये का आखरी बखत आ-ग्या ।
उसनै आवाज लगाई - बेटी लक्ष्मी !
वा बोल्ली - "हां बाबू !"
फिर उसनै आपणे छोरे को आवाज लगाई - बेटा कुबेर !
छोरा बोल्या - "हां बाबू !"
बणिया ने फिर आपणी घर-आळी खातिर रूका मारा - भागवान !
उसकी घर-आळी बोल्ली - "हां जी !"
बणियां बोल्या - अड़ मखा लुटवाओगे - तुम सारे हाड़ै बैठे सो, तै दुकान पै कूण सै ?




mahatma gandhi suvichar
teacher student chutkule in hindi 
mast navratri sms in hindi